食得精啲。享受多啲。心情好啲

#打卡美食星期日的天氣很好，放假唔駛返工，心情都自然好，今日去咗食早午餐。 早午餐餐單可以任食餐前小食、而意粉或飯、主菜、甜品及飲品各選一款。 香草麵包口感鬆軟；穀物麵包混合多種穀物，但食落唔會覺得粗糙；脆片薄而脆。 🔸餐前小食 🔅鵝肝醬多士-鵝肝厚身，味道唔羶，肉桂蘋果醬帶甜，多士很香脆唔乾身。 🔅水牛芝士蕃茄-蕃茄脆口鮮甜，芝士質地柔軟，配上橄欖油食，健康美味。 🔅24個月巴馬火腿-味道唔會好鹹。 🔅素蛋餅-有青紅椒製成，蛋餅很滑。 🔅煙三文魚忌廉芝士，忌廉芝士有啲酸令人開胃，魚子醬較腍身。 🔸鮑魚蕃茄辣汁蛋麵 鮑魚肉質軟腍，味道濃郁，蕃茄醬清新，辣汁更加刺激味蕾，麵很幼細，口感柔軟。 🔸慢煮雞腿卷配雞油菌醬 用雞皮包着的雞腿肉，由於慢煮，雞肉都幾嫩滑，輕輕煎過的雞皮很香口，雞油菌醬帶堅果的香味。 🔸拿破崙配紅桑子雪葩 拿破崙做得脆口帶甜，吉士醬幼滑唔會太甜，紅桑子雪葩較酸。 熱檸檬茶唔苦澀，茶很清香。 週末食精（美食）啲，可以享受（人生）多啲，心情會好啲。 #打卡美食#早午餐